Tiô Pơkâ dêi Kuô̆k hô̆i, lâp tơnêi têa ai 34 tíu pêi cheăng râ kong pơlê, mê ai 28 to kong pơlê ƀă 6 pơlê kong kân. Tung mê, ai 23 tíu pêi cheăng râ kong pơlê nếo châ tơ’mot ing 52 to kong pơlê ton.   11 to kong pơlê, pơlê kong kân ối rak ti mê. Pơkâ ai xêt khât sap hâi tơbleăng, lơ 12/6/2025. Pơkâ kố ai chêh: mâu kơ koan tiô râ kơpêng thâ pêi mâu tơdroăng cheăng hbrâ kal khât vâ rak tơniăn mâu kăn cheăm  a mâu  kong pơlê, pơlê kong kân ki mơjiâng klêi pro rế lĕm pơxiâm pêi cheăng khât sap hâi lơ 1/7/2025.

Pakĭng mê pro rế lĕm, khu mơngế pêi cheăng dêi mâu kơ koan, khu tơrŭm cheăng a pơlê cheăm kong pơlê, kơjo gum teăm tơdrêng  tah tơdroăng xơpá, tơvâ tơvân dêi kăn ƀô̆, kŏng chưk, viên chưk, mơngế pêi cheăng ki tro tơdjâk troh, tơdjâk dêi tơdroăng tah xing xoăng pro rế lĕm; tơniăn tơdroăng rêh ối, hnoăng ƀă ki pơxúa tro luât, tơxâng dêi kuăn pơlê, khu mơdró ƀă pơkâ thế mơnhông cheăng kâ-rêh ối pơlê pơla, ‘na lêng, kring tơniăn tung kong pơlê.