Tung tơdroăng roh lăm pôu pêi cheăng, pôa Phạm Minh Chính, Ngế pro xiâm hnê ngăn tơnêi têa ai hên roh trâm mâ ƀă khu râ kăn pơkuâ dêi kong têa Thụy Điển, tơdah mâu khu tê mơdró Thụy Điển ki má môi dế ai mâu tơdroăng mơ’no liăn cheăng ƀă tê mơdró a Việt Nam, trâm mâ mâu khu hriăn plĕng, mâu ngế rơkê vâ tối mâu troăng hơlâ kân dêi Chin phuh Việt Nam, trâm mâ ƀă tơpui ƀă pơlê pơla mơngế Việt Nam a Thụy Điển.

Péa pâ kô tơkŭm tơpui tơno ƀă mâu troăng thăm tơrŭm trâu hơngế ƀă tâi tâng tung mâu kơvâ kal kí – tơpui kâ ƀă kong têa ê, cheăng kâ – tê mơdró – mơ’no liăn cheăng, khoa hok – kŏng ngê̆, pơhlêh nếo tơmiât pêi rơkê, pơhlêh xúa kŏng ngê̆, hnê hriâm - hnê mơjiâng, khôi túa lĕm – tơ’noăng ivá – ôm hyô, mơnhông krá tơniăn ƀă mơdêk trâm mâ pơla kuăn pơlê, kum pro trâu hơngế tâ nếo mâu tơdroăng tơrŭm cheăng ki hiăng ai, xúa hên kơvâ tơrŭm cheăng ki ai tơmeăm mơnhông, po mâu roh tơ’lêi nếo ăm tơrŭm cheăng pơla péa pâ.