Xông tơpui a roh leh, pôa Tô Lâm, Kăn xiâm pơkuâ hnê ngăn Đảng tối nhên: ivá ó rơdêi gâk kring Tơnêi têa xah hô̆i chuh ngiah pơxiâm ing kuăn pơlê, xua kuăn pơlê, kơnôm a kuăn pơlê; ‘’kuăn pơlê tơrŭm, pâ nhuô̆m dêi kuăn pơlê’’ cho tơdroăng ki xiâm, tíu hgiên krá tơniăn má môi.

Teăng mâ khu râ kăn pơkuâ Đảng, Tơnêi têa diâp Mê dái Hơlŏng trĭng roh má 5 diâp ăm khu Kŏng ăn kuăn pơlê, Kăn pơkuâ hnê ngăn Đảng pơkâ thế khu tơkŭm pêi pro 8 hnoăng cheăng, troăng pêi ki xiâm, tung mê tối rơdêi pơkâ thế păng ‘nâng môi hiâm mơno ƀă Tơnêi têa, ƀă Đảng, ƀă kuăn pơlê ƀă rơxông xah hô̆i chuh ngiah; krá pơkâ tơniăn krê hdroâng mơngế ƀă chưh ngiah pơlê pơla.

Rêm ngế kăn ƀô̆, mâu lêng thế pâ troăng tơmiât pêi ‘’Kuăn pơlê cho ki xiâm’’, châ ki pơxúa tơnêi têa, hdroâng mơngế, Kuăn pơlê thế má môi, veăng gum rak krá tơniăn pơlê pơla, gâk kring tơdroăng rêh ối tơniăn lĕm.