Pơtối mê, Kăn hnê ngăn Vi ƀan râ cheăm, bêng thế pơkuâ ƀăng deăng pêt nếo, pơkuâ mah kơxô̆ kơpong pêt, tíu kơxuô, mơdât krí plâi sâu riêng ối kơbâng. Pơkâ châ mơnhên: 125 – 135 hâi ƀă hdrê Dona, 110 – 120 hâi ƀă hdrê Ri6. Mâu tơdroăng pro xôi kô châ pơxâu phâk. Khu pơkuâ ‘na pêi chiâk deăng ƀă Kong prâi châ pơcháu mơdêk hnê kŏng ngê̆, xúa kŏng ngê̆ tung ti tăng xiâm kối, thăm séa ngăn tơniăn lĕm plâi kâ, pơkuâ rak hngíu ƀă uâ bro trâu vâ mơdêk ki kơnâ tâk.

Khu pơkuâ Kơmăi kơmok Tê mơdró chiu pôu hnoăng cheăng tơrŭm pơkuâ tơdroăng rôe, mơdât hjip yă, tơdrêng amê hnối mơhnhôk tê mơdró, tơdjêp tê ing kơmăi tê ‘ngré ƀă tíu tê mơdró điê̆n tưh.