Tơbâ 80 hơnăm Kăch măng Khế tơheăm blêi trâng ƀă hâi mơjiâng tơnêi têa Kŏng hòa xah hô̆i chuh ngiah Việt Nam, kơxo hâi lơ 18/9, a Hà Nội, po leh pơcháu hngêi kân xŏn Bắc Bộ Phủ dêi tơdroăng tơkêa bro ‘mâi  rơnêu pro nếo Tíu pêi cheăng kơ koan Kăn xiâm hnê ngăn tơnêi têa. Hngêi kân xŏn Bắc Bộ Phủ a kơxô̆ 2 Lê Thạch, Hoàn Kiếm, Hà Nội cho tíu tơbâ ton nah ki tơviah dêi Hà Nội, dêi Tơnêi têa, tíu ki pôa Hồ Chí Minh - Kăn xiâm hnê ngăn tơnêi têa ki apoăng hiăng pêi cheăng tung mâu hâi apoăng dêi Tơnêi têa Việt Nam Yân chuh Kŏng hoa.

Hngêi kân xŏn châ rak vế ki kơnía ối môi tiah ton, rak túa mơjiâng pro tiah ton ƀă môi tiah rôh apoăng, ƀă ‘mâi rơnêu pá gong tung dế, ai tiô kal vâ tiô túa nếo, tơxâng ƀă ki hôm dêi râ plâi tơnêi Bắc Ƀộ Phủ kô pơtối hơ’muăn tơdroăng rôh tơplâ ton nah ăm rơxông xo ah hmôi, hlối pro xiâm ki vâ pơtih ăm ngiâ méa dêi Tơnêi têa tung tơdroăng tơpui kâ râ kăn xiâm, teăng mâ ăm um méa dêi tơnêi têa, kuăn mơnế Việt Nam tung mâu vâi pú lâp plâi tơnêi.