Leh ‘mế pôa Trần Đức Lương châ tơkŭm po tiô tơdroăng leh ‘mế Tơnêi têa. Châ pôa Trần Đức Lương châ tâ tung poăng a Hngêi mơdâm kiâ Tơnêi têa, kơxô̆ 5 Trần Thánh Tông, pơlê kong kân Hà Nội.

Leh pôu ngăn pôa Trần Đức Lương châ tơkŭm po a a Hngêi mơdâm kiâ Tơnêi têa, kơxô̆ 5 Trần Thánh Tông, pơlê kong kân Hà Nội, pơxiâm ing 7 chôu hâi lơ 24 khế 5 hơnăm 2025.

Leh tơbâ hnoăng pôa Trần Đức Lương châ tơkŭm po kân krip a 7chôu 00 phut hâi  lơ 25/5/2025 a Hngêi mơdam kiâ leh râ tơnêi têa, kơxô̆ 5 Trần Thánh Tông, pơlê kong kân Hà Nội. Leh ‘mé a 15chôu 00 phut tung hâi ki mê a ilâng kiâ pơlê xiâm tơná pôa, cheăm Phổ Khánh, pơlê kong krâm Đức Phổ, kong pơlê Quảng Ngãi.

Xuân tung pơla kố, a Hngêi hôp kân Thống Nhất, pơlê kong kân Hồ Chí Minh ƀă a Hngêi hôp T50 , Khu xiâm pơkuâ ngăn lêng kong pơlê Quảng Ngãi, kơxô̆ 142 Lê Trung Đình, pơlê kong kơdrâm Quảng Ngãi xuân po Leh pôu ngăn, Leh tơbâ hnoăng pôa Trần Đức Lương.

Rơ’jiu um tơvi Việt Nam ƀă Rơ’jiu xiâm Việt Nam kô mơ’no tơdrêng Leh pôu ngăn, Leh tơbâ hnoăng ƀă Leh ‘mé kiâ pôa Trần Đức Lương  a pơlê kong kân Hà Nội, pơlê kong kân Hồ Chí Minh ƀă kong pơlê Quảng Ngãi.

Tung 2 hâi po Leh mơdâm pro kân râ tơnêi têa kơ pôa Trần Đức Lương, Ngế cheăng tung khu xiâm Kal kí, Kăn hnê ngăn Tơnêi têa Kŏng hoa xah hô̆i chuh nghiah Việt Nam (hâi lơ 24 ƀă hâi lơ 25 khế 5 hơnăm 2025), mâu kơ koan, tíu pêi cheăng, drô troăng kơtúa hlá cờ kơ̆râp, ôh tá chiâng tơkŭm pêi pro mâu tơdroăng xah hêi ro.