Tung mâu hơnăm hdrối kô hía nah, kơvâ hnê mơhno dêi kong pơlê Dak Lak hiăng tơbleăng hnê a kong pơlê ing mâu tơmeăm khoăng, ƀă tơdroăng mơjiâng túa lĕm tro hngêi trung. Hên hngêi trung hiăng tơkŭm xo mâu tơdroăng kal hnê ‘na tíu tơbâ ton nah, ‘na sâp ếo pơtâk, tơdroăng túa lĕm tro ton nah, hơ’muăn hdrôu, rơngê rơngối, hnê pa kong chôu hriâm a lâm ƀă hnê drêng tơkŭm xah hêi pú hên dêi lâm.

A rôh hôp tơpui tơno, mâu kăn hiăng tối ‘na tơdroăng ki tơná hlê ‘nâi ƀă troăng hơlâ ai pơxúa vâ hnê ‘na rak vế ki pơxúa lĕm tro tơmeăm khoăng ton nah ăm mâu hok tro ‘nâi hnê ăm mâu hok tro hriâm ing râ má môi troh râ má pái. Mâu tơdroăng veăng hnê tối xuân vâ môi tuăn tuăn kố, tơdroăng hnê rak vế tơmeăm khoăng kơnía ton nah sap ing nah kô kum ăm rơxông ối nếo hlê nhên xiâm rêi tơná ‘na túa lĕm tro, veăng mơdêk ki hlê plĕng tung kuăn pơlê ƀă mơdêk tơrŭm pơlê pơla, malối a kơpong hên hdroâng kuăn ngo tơkŭm rêh ối môi tiah Tây Nguyên.