Kơxo kố lơ 17/6, a Hà Nội, Học viện Chính trị Quốc gia Hồ Chí Minh tơkŭm po Hôp tơ’noăng pâ nhoăm tơnêi têa rôh má 6(2025-2030). Veăng hôp, jâ Võ Thị Ánh Xuân, Phŏ kăn xiâm hnê ngăn tơnêi têa xuân cho Phŏ Kăn xiâm hnê ngăn má môi Hô̆i đong khĕn kơdeăn xiâm tơnêi têa; ƀă 193 ngế kăn - cho mâu ngế pêi cheăng kơhnâ tơdroăng mơhnhôk tơ’noăng pâ nhoăm tơnêi têa pơla hơnăm 2020-2025 dêi Học viện ƀă mâu hngêi trung hnê tơdroăng kal kí mâu kong pơlê, pơlê kong kân dêi râ xiâm tơnêi têa veăng Hôp kân.

Tơbleăng pơxiâm hôp, Tiê̆n sih Nguyễn Duy Bắc, Phŏ kăn hnê ngăn Học viện Chính trị Quốc gia Hồ Chí Minh ăm ‘nâi, Hneăng hôp vâ tơpui tơdroăng koh tơbâ Hneăng hôp Đảng  tung lâp tơnêi têa rôh má  14, hneăng hôp tơ’noăng pâ nhoăm tơnêi têa tung lâp tơnêi têa rôh má 11, Hneăng hôp Đảng ƀô̆ Học viện rôh má 15 hneăng 2025-2030. Pêi pro tiô rơkong dêi Hồ Chí Minh Kăn xiâm hnê ngăn tơnêi têa ki nhoăm pâ” Tơ’noăng cho pâ tơnêi têa, pâ tơnêi têa thế tơ’noăng’’ ƀă “tơdroăng hnê rêm hâi cho xiâm dêi tơdroăng tơ’noăng”, ƀă “tơdroăng cheăng pêi rêm hâi cho xiâm dêi tơdroăng tơ’noăng”, ing hnoăng pơkuâ hnê dêi Đảng, hên tơdroăng mơhnhôk tơ’noăng pâ nhoăm tơnêi têa hiăng châ mơhnhôk. 

Đảng ƀă tơnêi têa pin đi đo ngăn nhoăm hnoăng cheăng dêi tơdroăng tơ’noăng, khĕn kơdeăn, ngăn mê cho troăng hơlâ pơkuâ hnê dêi Đảng, tơdroăng rak ngăn dêi tơnêi têa cho troăng hơlâ pơkuâ dêi Đảng, tơmeăm khoăng rak ngăn Tơnêi têa cho tơdroăng mơhnhôk pêi klêi tơdroăng cheăng kal kí.