Kăn xiâm pơkuâ hnê ngăn cheăng Đảng tối nhên, ƀă hnoăng cheăng Pơlê kong kân rơpâu hơnăm, Hà Nội kal mơnhên tối tâi tâng tơdroăng mơnhông, ki ai hlâu, pơkâ peie tơƀrê tơdroăng cheăng tung la ngiâ nếo, ăm Pơlê kong xiâm mơeăm rak vế hnoăng cheăng pơkuâ djâ lâp tơnêi têa.

Tung pơla ‘mot tơkŭm kơ koan cheăng tơnêi têa, kal rak vế tơrŭm, mơdêk hnoăng cheăng djâ troăng ahdrối dêi kăn ƀô̆. Kăn xiâm pơkuâ hnê ngăn cheăng Đảng tối rơdêi hnoăng cheăng kăn ƀô̆ cho tơdroăng ki xiâm, athế pêi pro tro pơkâ, ăm tơdroăng ki pơxúa tơdjuôm a kơpêng, pêi klêi tơdroăng pơkâ pêi hơnăm 2025; rak vế túa lĕm tro Tràng An, pơhlêh ngiâ méa kơphô̆, kong prâi tơnêi tíu, tơxâng cho tíu xiâm kơhnâ rơkê dêi tơnêi têa.