A hôp tơpui tơno, Ngế pro xiâm hnê ngăn kong têa Rusi mơnhên Rusi đi đo ngăn Việt Nam cho môi tung mâu khu tơrŭm cheăng kơjo má môi a kơpong châu Á – Thái Bình Dương; tối rơdêi, roh lăm pôu pêi cheăng kố kô kum pro trâu hơngế tơ’nôm tơrŭm cheăng nhŏng o tiô khôi vâi krâ nah ƀă Khu tơrŭm cheăng ton xŏn tâi tâng pơla kong têa Rusi ƀă Việt Nam.

Péa Kăn xiâm hiăng tơpui tơno trâu hơngế ‘na mâu troăng vâ pro krá tơniăn loi tơngah kal kí ƀă po rơdâ tơrŭm cheăng pơla péa pâ ki má lối cho tung mâu kơvâ ki rơdêi ƀă ai tơmeăm mơnhông tơtêk môi tiah on tơhrik, tê mơdró – mơ’no liăn cheăng, kơmăi kơmok cheăng lêng, rơxế kơtâu ƀă troăng klông, kŏng ngê̆ rơxông nếo, tuăn hlôh rơkê kân xua kuăn mơngế pro, cheăng kâ xúa kŏng ngê̆, khăm pơlât, hnê hriâm – hnê mơjiâng tuăn ngôa rơkê, khôi túa lĕm tro, ôm hyô, tơrŭm cheăng kong pơlê ƀă trâm mâ pơla kuăn pơlê.