Pôa Phạm Minh Chính, Ngế pro xiâm hnê ngăn tơnêi têa pôu Hngêi trung đăi hok râ tơnêi têa Malaysia
Thứ năm, 05:00, 29/05/2025
Tơplôu: Katarina Nga/VOV
Tơplôu: Katarina Nga/VOV
VOV.Xơ Đăng - Pơtối rôh pôu ƀă pêi cheăng a Malaysia, kơxo lơ 28/5, pôa Phạm Minh Chính, Ngế pro xiâm hnê ngăn tơnêi têa hiăng troh pôu Hngêi trung đăi hok râ tơnêi têa Malaysia.
Ngế pro xiâm hnê ngăn tơnêi têa mơnhên tối Hngêi trung đăi hok râ tơnêi têa Malaysia hiăng kĭ hlá mơ-éa tơrŭm cheăng ƀă 2 đăi hok xiâm Việt Nam, po troăng tơngah tơrŭm cheăng trâu hơngế tung kơvâ hnê hriâm pơla péa tơnêi têa; mơdêk rơdêi mơđah tơbleăng ôm hyô, tơdjêp túa lĕm tro, thăm mơnhông trâm mâ kuăn pơlê; Rak vế krá rơdêi tơrŭm, hnoăng cheăng tíu xiâm dêi ASEAN ƀă rak vế hơniâp lĕm, tơniăn, gâk kring ƀă tơniăn krê a têa kơxĭ Biển Đông.
Ngế pro xiâm hnê ngăn tơnêi têa tối nhên, Việt Nam hbrâ rơnáu tơrŭm krá tâ nếo ƀă Malaysia tung hnê hriâm ƀă mâu kơvâ mơnhông khoa hok kong ngê̆, pơhlêh nếo tơmiât pêi rơkê, pơhlêh kơxô̆ xua ki xiâm tơdjuôm, tơmiât troh mơnhông krá tơniăn, kro mơdrŏng dêi péa tơnêi têa ƀă mâu kong têa ASEAN.
Viết bình luận