Tung mê, ki rơhêng vâ tối má môi cho tơdroăng veăng hôp a Rôh hôp Cheăng kâ Việt Nam – Hokkaido ƀă tơdah kăn pơkuâ kong pơlê Hokkaido. Tơpui a Rôh hôp Cheăng kâ Việt Nam – Hokkaido, Pôa Nguyễn Chí Dũng, phŏ Ngế pro xiâm hnê ngăn tơnêi têa tối rơdêi, tơrŭm cheăng kâ pơla 2 pâ xuân ối ai hên tơdroăng ki vâ mơnhông, ƀă ăm mơ’no tối mâu tơdroăng ki mơhno ƀă kăn pơkuâ ƀă mâu khu mơdró kâ péa pâ môi tiah: Thăm mơnhông tơrŭm cheăng kâ, túa lĕm tro pơla Hokkaido ƀă mâu kong pơlê dêi Việt Nam, rĕng hriăn tơdroăng ki pro troăng kơneăng tơdrăng tơdjêp ƀă Hokkaido ƀă mâu kong pơlê dêi Việt Nam.

Phŏ Ngế pro xiâm hnê ngăn tơnêi têa tối rơdêi, Chin phuh Việt Nam tơhrâ đi đo rơtế prôk, pro tơ’lêi hlâu ăm mâu khu ki ‘no liăn tung ƀă kong têa ê, tung mê ai mâu khu ki ‘no liăn Nhuk ƀă Hokkaido, ‘no liăn cheăng tê mơdró krá ton, tơƀrê, a Việt Nam.