Trung tă Nguyễn Văn Từ, Đô̆i trương, Đô̆i K51 kong pơlê Dak Lak tối ăm ‘nâi, tơdroăng ti tăng, tơkŭm kơxêng kiâ mô đô̆i tung tơnêi pú hmâ kong têa Kul cho pá puât, xua hâi khế ton xŏn, tơnêi tơníu pá puât ƀă tơdroăng ki ê cho iâ êt. Laga, ƀă hiâm mơno pôu râng hnoăng cheăng ƀă hiâm mơno pâ mơnê trâu hơngế ƀă mâu ngế khên tơnôu hlâ tung tơplâ xâ, kăn ƀô̆, mâu lêng Đô̆i K51 xuân mơ-eăm rêh ối pêi cheăng tung kong pơlê, chôa ‘lâng ti tăng, chiâ xo.

Sap hơnăm 2000 troh nôkố, Đô̆i K51 hiăng tơkŭm châ 769 kơxêng kiâ mô đô̆i hlâ tung tơplâ xâ a kong têa Kul. Leh tơbâ hnoăng ôh tá xê mơhno hiâm mơno pâ mơnê trâu hơngế dêi Đảng ƀô̆, khu râ kăn pơkuâ ƀă kuăn pơlê mâu hdroâng kuăn ngo kong pơlê Dak Lak, mê ối cho mơnhên ăm hiâm mơno ‘’Pâ mơnê hnoăng mơngế ki pleăng dêi mơheăm chá’’ – pơtối khôi túa pâ mơnê hnoăng dêi hdroâng mơngế Việt Nam.