A tơdroăng pêi cheăng đoân viên, droh rơtăm kong pơlê Kon Tum ai 22 tơdroăng kơ-êng tối ‘na tơdroăng pói vâ, pâ thế, pơkâ thế tơdjâk troh tơdroăng pêi pro mâu troăng pơkâ pêi, troăng hơlâ ‘na pơhlêh nếo tơmiêt pêi rơkê ƀă mơnhông cheăng kâ - rêh ối pơlê pơla tung kong pơlê.

Xông tơpui a tơdroăng pêi pro, pôa Nguyễn Hữa Tháp, Phŏ Kăn hnê ngăn Vi ƀan kong pơlê Kon Tum mơnhên pói vâ dêi khu râ kăn pơkuâ kong pơlê ƀă rơxông vâi hdrêng. Vâ mơnhông lĕm tro hnoăng djâ troăng ahdrối dêi đoân viên, droh rơtăm pơkuâ kong pơlê pói vâ mâu râ khu xiâm Đoân tung kong pơlê ai tơ’nôm hên tơdroăng tơ’noăng ki pơxúa, châ tơƀrê vâ mơnhông tâ mê nếo hnoăng, tơdroăng ki veăng kum, pleăng hnoăng cheăng dêi đoân viên droh rơtăm tung mơnhông khoa hok kŏng ngê̆, pơhlêh nếo tơmiât pêi rơkê ƀă pơhlêh xúa kŏng ngê̆ dêi kong pơlê.