Kố cho roh lăm pôu pêi cheăng apoăng dêi Ngế pro xiâm hnê ngăn Chin phuh Việt Nam troh a Estonia sap ing péa tơnêi têa mơjiâng tơrŭm tơpui kâ a hơnăm 1992. Tiô tối hdrối tung roh lăm pôu pêi cheăng a Estonia, pôa Phạm Minh Chính, Ngế pro xiâm hnê ngăn tơnêi têa kô ai mâu roh tơpui tơno, trâm mâ ƀă khu râ kăn pơkuâ xiâm dêi Estonia, veăng hôp tơpui tơno khu tê mơdró Việt Nam ƀă Estonia, lăm pôu mâu tíu cheăng kâ – rêh ối pơlê pơla, khôi túa lĕm dêi Estonia.

Roh lăm pôu pêi cheăng châ pói tơngah kô po mâu roh tơrŭm cheăng nếo pơla péa tơnêi têa, ki má lối cho tung mâu kơvâ kŏng ngê̆ thông tin, pơhlêh xúa kŏng ngê̆, tuăn ngôa rơkê, kŏng ngê̆ liăn ngân, cheăng kâ xúa kŏng ngê̆, gâk kring măng, logistics rơkê, kơno tuk xúa kŏng ngê̆, mơjiâng Chin phuh điê̆n tưh.