Tơbleăng a rôh hôp, pôa Phạm Minh Chính, Ngế pro xiâm hnê ngăn tơnêi têa tối nhên tơdroăng xing xoăng pro rế lĕm tíu pêi cheăng rêm râ ƀă tơkŭm mâu kăn kong pơlê 2 râ cho tơdroăng cheăng ki tơdjâk kân troh tơkŭm  ƀă pêi cheăng dêi mâu kơ koan, khu tơrŭm ƀă kuăn pơlê. Xua mê,  kal thế ‘nâi nhên kố xuân cho tơdroăng cheăng pêi ki kal malối, kal khât ôh tá ăm tơdroăng pro rế lĕm khu pêi cheăng mê châ tơkâ tung tơdroăng cheăng dêi mâu kơ koan, tơdroăng pêi pêi cheăng kâ, pro tơmeăm, tê mơdró ƀă tơdroăng pêi cheăng rêm hâi dêi kuăn pơlê, khu mơdró.

Ngế pro xiâm hnê ngăn tơnêi têa pơkâ thế thâ mơjiâng ƀă pêi klêi tơdroăng ‘na luât ai tơdjâk troh khu tơrŭm cheăng mâu kăn kong pơlê 2 râ.  Pêi tro tơdroăng cheăng pro rế lĕm, mơhno ăm pơtê mâu kăn ƀô̆, mâu kăn pơkuâ ki rơlối, ‘mâi pro rế lĕm tăng nếo tíu pêi cheăng vâ tơniăn ăm tơdroăng cheăg a tíu pêi cheăng ki nếo.