Tung pơla kố nah, péa kong pơlê Gia Lai ƀă Bình Định hiăng tơrŭm krá tơniăn, tơniăn tơdroăng mơjiâng pro ƀă môi tuăn pơkâ xing xoăng kăn ƀô̆ pơkuâ, pơkuâ mâu tíu pêi cheăng, khu cheăng, kơvâ cheăng klêi kơ’nâi tơmot chiâng môi. Kong pơlê Bình Định nôkố dế mơjiâng troăng hơlâ tŏng gum mâu kăn ƀô̆ Gia Lai drêng lăm pêi cheăng a kong pơlê nếo.

Xông tơpui a roh pêi cheăng, pôa Nguyễn Xuân Thắng pơkâ thế péa kong pơlê pêi tiô Pơkâ dêi Khu xiâm kal kí ‘na tơkŭm po Hneăng hôp Đảng mâu râ hâk vâ chêh troh Hneăng hôp má XIV; Tơtrŏng, mơjiâng mơ-éa ki kal Hneăng hôp kal pêi pro ƀă troăng pêi cheăng ton, mơnhông ton xŏn. Tơdroăng xing xoăng mơngế pêi cheăng râ ủy, khu râ kăn pơkuâ thế tơniăn rah tro mơngế, ôh tá lôi mâu kăn ƀô̆ ai ivá, tá hiâm mơno ƀă hiăng ai hên tơdroăng veăng kum tung tơdroăng pêi cheăng.