Tíu ki tơhnâp kơhlong mê cho a pái hơlâ troăng Chu Văn An ƀă Huỳnh Thúc Kháng, peăng ‘na ngiâ tíu pêi cheăng dêi Hngêi rak liăn. Nôkố troăng ki rơheăng, tơhnâp kơhlong rế kân ƀă nôkố hiăng rơheăng lối 50m, trâu sap 30-40cm, ki rơdâ ngi hía dâng péa pái chât met karê ƀă hâi hlo lui ‘nâng mê, mơni kô pơtối rơheăng nếo.

Klêi ai tơdroăng xía vâ, Vi ƀan kuăn pơlê dêi pơlê kong kơdrâm Gia Nghiã hiăng tâp kế chêh tơbleăng tối ăm kuăn pơlê hlo, xúa kơxái kât a loăng hdró pơtân ăm kuăn pơlê hlo pơla troăng tro tơhnâp kơhlong. Apoăng ngăn tối xiâm cho xua kơpong mê tơ’nhiê klăng ƀă tíu troăng cho mơ’no têa hiu ki ton nah, mơjiâng pro ing hên hơnăm hdrối. Troăng cho mơ’no têa chiâng ôh tá châ hiu, mâu hmốu prêi xơmŏng ki pro ôh tá krá lĕm oh tá kâi trâng kế hngăm prôk kơpêng, pro troăng chiâng tơhnâp kơhlong. Têa ki lo tiô têa hiu tro toăng, tơkŭm ƀă kong mêi kân hlối pro tíu mê thăm rế tơ’nhiê ó.   .