Pôa Nguyễn Chí Dũng, Phŏ Ngế pro xiâm hnê ngăn tơnêi têa xông tơpui a Hneăng hôp Tơdroăng la ngiâ châu Á
Thứ bảy, 05:00, 31/05/2025
Tơplôu: A Sa Ly/VOV
Tơplôu: A Sa Ly/VOV
VOV.Xơ Đăng - Hâi lơ 30/5, a Tokyo, kong têa Nhuk, pôa Nguyễn Chí Dũng, Phŏ Ngế pro xiâm hnê ngăn tơnêi têa hiăng ai ƀai xông tơpui ki kal a Hneăng hôp la ngiâ châu Á, tơbleăng tối troăng hơlâ mơnhông dêi Việt Nam ƀă pơkâ mâu troăng mơjiâng châu Á krá tơniăn.
Phŏ Ngế pro xiâm phŏ hnê ngăn tơnêi têa mơnhên Việt Nam dế tơmiât troh tơtêk péa kơxô̆ ƀă pêi pro pơkâ 100 hơnăm tơbleăng ăm pêi pro pái tơdroăng mơnhông mơdêk ton xŏn: pơkâ pêi, hngêi trăng, troăng klông ƀă mơngế pêi cheăng, pơhlêh luât, ƀă mot tơrŭm lâp plâi tơnêi. Pôa tối rơdêi hnoăng dêi khoa hok – kŏng ngê̆, pơhlêh xúa kŏng ngê tung mơnhông mơdêk.
Phŏ Ngế pro xiâm hnê ngăn tơnêi têa xuân kheăn kơdeăn tơdroăng mơnhông mơdêk dêi kong têa Nhuk ƀă mơnhên tơrŭm cheăng pơla Việt Nam – Nhuk ai kơnâ kal khât ôh tá xê to ƀă péa tơnêi têa mê ƀă lâp kơpong ƀă lâp plâi tơnêi.
Viết bình luận