Ƀă tơdroăng pơkâ  “Tơrŭm- Môi tuăn dêi pó - Rak tro luât- tro hnoăng cheăng - pêi tơƀê’’, Hneăng hôp pơkâ mơdêk  hnoăng cheăng pơkuâ hnê, mơdêk pơ’lêh kơxô̆, rơkê tung pơ’lêh tơdroăng cheăng mơjiâng luât, séa ngăn ƀă kuăn pơlê púi vâ. Tơbleăng a Hneăng hôp, Phŏ kăn hnê ngăn Kuô̆k hô̆i khê̆n kơdeăn tơdroăng tối tơbleăng kal kí, tối tiah kố, Đảng ƀô̆ hiăng ‘nâi tro mâu tơdroăng hiăng pêi pro, kơdroh ki pá ƀă tơbleăng troăng hơlâ tơtro.

Phŏ kăn xiâm hnê ngăn Kuô̆k hô̆i pơkâ thế tơkŭm hnê mâu tơdroăng pơkâ tơbleăng a hneăng hôp, tơdroăng pơkâ pêi, tối mơgêi dêi Tíu xiâm, Khu xiâm kal kí, malối cho mâu tơdroăng ‘na rah xoăng cheăng pro rế lĕm khu pêi cheăng ăm tơnêi têa, ‘mâi hơ'lêh luât, mơjiâng luât, pơ’lêh nếo túa cheăng mơdêk pêi lo.

Tối nhên tơdroăng cheăng kâ krê kuăn pơlê, khoa hok kơmăi kơmok ƀă pơ’lêh kơxô̆ cho xiâm ki kal, veăng mơnhông tơnêi têa mot tung chal mơnhông tơƀrê nếo, trâu rơdâ ƀă krá tơniăn.