Hơnăm 2023, kơxô̆ liăn châ xo ing tê tơmeăm pê lo ing chiâk deăng ăm kong têa kơpong châu Âu châ vâ chê 1,5 rơtal dollars; hơnăm 2024 tâk hên tâ lối 1,88 rơtal dollars. Tiô mâu ngế rơkê, EVFTA po rôh ki mơhúa kân ăm mâu tơmeăm xiâm mê cho kơphế, tiu, plâi kâ, têa kơdruâ châ tê ăm kong têa ki rơdêi ai hên tơmeăm mê.

Hôp tơpui tơno tơmâng xo hên tơdroăng veăng tối ‘na mơjiâng xiâm tơmeăm tế krá tơniăn, cho tơdroăng pâ thế pơklât pêi pro a châu Âu, ôh tá xê to tung pêi pêt mê ối tá ‘na pêi cheăng thế tơdâng tơ’mô, rak krúa lĕm hyôh kong prâi cho hnoăng cheăng dêi pơlê pơla. Kong pơlê Dak Lak tối EVFTA cho xiâm vâ pơtối mơhnhông pêi chiâk tiô troăng hơlâ ki nếo, tơdrăng lĕm ƀă kô mơjiâng tíu xiâm kơjo kum kih thuât mơdêk pêi tiô EVFTA vâ rơtế ƀă khu mơdró a kong pơlê.