Lối 3.100 ngế krê ƀă 1.600 khu pú hên tung khu lêng châ mâu râ kheăn kơdeăn, ăm hlo tơdroăng ki troh lâp lu rơdâ ƀă châ tơƀrê dêi roh mơhnhôk. 10 hơnăm hiăng hluâ, khu mô đô̆i kong pơlê Dak Lak hiăng mơjiâng mâu tơdroăng pơhlêh ki kal ing ‘’Hlê plĕng’’ troh ‘’Pêi tiô’’ troăng tơdjâ, hiâm mơno, troăng pêi dêi Pôa Hồ. Tơdroăng pêi pro hiăng hlo ai hên troăng pêi rơkê, troăng pêi lĕm, châ po rơdâ a mâu kơ koan, tíu cheăng, môi tiah: Tơdroăng pro pơro ‘’Rêm hâi môi rơkong Pôa Hồ hnê’’; troăng pêi ‘’Tơpui ‘nâng ‘nâi, chêh ‘nâng ‘nâi, tơbleăng tro, hnê mơhno trâu, séa ngăn tơtro, châ tơƀrê hên’’; mâu tơdroăng ‘’Hâi tơdrốu pleăng hnoăng cheăng’’, ‘’Hâi tĭng ngiât’’, ‘’tơxâng inâi Mô đô̆i Pôa Hồ chal nếo’’...

Roh kố, Đảng ủy – Khu xiâm pơkuâ lêng kong pơlê Dak Lak hiăng kheăn kơdeăn 35 khu pú hên ƀă ngế krê ki kơhnâ rơkê tung hriâm tâp ƀă pêi tiô troăng tơdjâ hiâm mơno Hồ Chí Minh hneăng hơnăm 2016 – 2025.