Ngế pro xiâm hnê ngăn tơnêi têa pơkâ thế xo kơlo 19/12/2025 vâ pơxiâm pro tâi tâng a 5 tíu, tơniăn tơdroăng mơjiâng pro. Ngế pro xiâm hnê ngăn tơnêi têa pơcháu Khu xiâm pơkuâ khoa hok ƀă kŏng ngê̆ tơrŭm mơjiâng tơdroăng pơkâ tơdroăng tơkêa bro; Khu xiâm tơpui kâ pêi cheăng ƀă Sinuâ tơbleăng hnê mơhno tơrŭm tê mơdró rơtế Việt Nam mơjiâng pro kih thuât; Khu xiâm mơjiâng pro tơmeăm tơrŭm kong pơlê rah pơkâ troăng prôk, mơdêk tăng ƀăng.

  ‘Na liăn ngân, Ngế pro xiâm hnê ngăn tơnêi têa pơkâ Khu xiâm pơkuâ liăn ngân pêi cheăng ƀă peăng Sinuâ vâ ai kơxô̆ liăn kơjo kum, tơdrêng amê pro kơxô̆ liăn kơdĭng 500 rơpâu rơtal liăn tŏng gum mâu tơdroăng tơkêa bro hngêi trăng troăng klông ton xŏn, tung mê, ai tơdroăng tơkêa bro troăng rơxế lơtreng. Ngế pro xiâm hnê ngăn tơnêi têa tối rơdêi, tơdroăng tơkêa bro ôh tá xê ai kơnâ troăng pêi cheăng ton xŏn ‘na cheăng kâ – rêh ối pơlê pơla mê ối veăng gum mơdêk tơdjêp kơpong, po rơdâ tơrŭm cheăng lâp plâi tơnêi.