Kăn xiâm pơkuâ hnê ngăn Đảng tối mơnê ƀă khĕn kơdeăn mâu hnoăng veăng ‘no  dêi pôa Assomo tung tơdroăng ‘măn ƀă pơtối rak tơmeăm khoăng túa lĕm tro a Việt Nam. Kăn xiâm pơkuâ hnê ngăn Đảng tối, Việt Nam kô pơtối tơrŭm trâu rơdâ a tơdroăng rêh ối lâp plâi tơnêi, veăng ‘no hnoăng pêi kơhnâ ăm tơdroăng hơniâp lĕm, ƀă mơnhông krá tơniăn tung lâp plâi tơnêi.

Việt Nam hbrâ vâ tối ăm ‘nâi túa pêi cheăng pơtối rak tơmeăm khoăng ƀă veăng pêi kơhnâ khât a mâu tơdroăng cheăng pêi dêi UNESCO. Kăn xiâm pơkuâ hnê ngăn Đảng pơkâ thế Tíu xiâm ‘măn rak tơmeăm khoăng lâp plâi tơnêi pơtối rơtế ƀă Việt Nam tung tơbleăng ki pơxúa ‘na túa lĕm tro ƀă pê klêi hlá mơ-éa ‘mâi mơjiâng pro Điện Kính Thiên a tơmeăm khoăng Hoàng Thành Thăng Long, rĕng pơtroh ăm UNESCO séa ngăn, hlối mơnhên.