Tơdjâk troh hlá mơ-éa Pơkâ ‘na chêh inâi mơdró, Khu xiâm ngăn liăn ngân hiăng séa ngăn ƀă ăm hlo mâu tơdroăng kal thế ‘mâi hơ’lêh, tơ’nôm vâ tơtro ƀă tơdroăng tơrŭm mâu kăn kong pơlê 2 râ. Ing mê, ‘mâi hơ’lêh pơkâ ki tơdjâk troh hnoăng cheăng, hnoăng pơkuâ dêi kơ koan chêh inâi râ kong pơlê, râ tơring; tơdroăng rak ngăn pro hnoăng mơhá ƀă khu mơdró drêng lôi râ tơring; mơjiâng tơdrêng hlối Luât pơkâ ‘mâi hơ’lêh  xoăng râ, xoăng hnoăng cheăng ăm Vi ƀan kuăn pơlê râ cheăm tơleăng mơnhên klêi tŭm hlá mơ-éa chêh inâi tơrŭm cheăng, khu pêi cheăng tơrŭm, khu tơrŭm cheăng ƀă mâu rơpŏng mơdró kâ...

Pôa Nguyễn Chí Dũng vâ môi tuăn tơdroăng pơkâ dêi Khu xiâm ngăn liăn ngân thâ po ngăn nếo mâu tơdroăng ki nếo vâ tơtro ƀă tơdroăng ki ai khât drêng pro rế lĕm mâu kăn 2 râ; xoăng râ, xoăng hnoăng, kơdroh mâu hlá mơ-éa xúa kơxô̆ hnoăng troăng hơlâ, pơkâ ki nếo tơdjâk troh chêh inâi khu mơdró. Phŏ ngế pro xiâm hnê ngăn tơnêi têa tối nhên, Pơkâ mê kal châ pơkâ hdrối hâi lơ 1/7.