A pơlê kân Ia Ly, khu kố hiăng pơxiâm mơjiâng hngêi hơ-ui gum kơnâ 80 rơtuh liăn ăm o Rơ Châm Quyên, hok tro kơtiê ôh tá ai tơnêi pêi chiâk pêi deăng, nôu pâ lăm tăng pêi cheăng vâi.

Pôa Đỗ Văn Chiến pói tơngah, tung hngêi trăng ki nếo mê cho ki xiâm vâ gum ăm rơpŏng o tơniăn tung rêh ối, khŏm mơ-eăm mơnhông vâ hluăn ing kơtiê. A cheăm Ia Ka, khu kố xuân hiăng pôe ché pro klêi plông peăng ƀalong kơnâ 150 rơtuh liăn, pik sơng kuât ƀă hngêi hôp pơlê pơla, tâi tâng kơxô̆ liăn ki gum mê kơnâ châ 80 rơtuh liăn, gum mơjiâng tơ’nôm 5 tíu ki mơ’no hyôh wifi.

Xuân tung hâi ki mê, khu kố hiăng lăm pôu, hbru tơmeăm ăm jâ Lê Thị Thọ (93 hơnăm) Nôu Việt Nam Khên tónôu, ối a pơlê kong kơdrâm Pleiku, vâ mơhno tối hiâm mơno koh mơnê kân, trâu rơdâ kơ khu rơxông hdrối hiăng ai hnoăng kân pleăng ăm tơnêi têa.