Phŏ Ngế pro xiâm hnê ngăn tơnêi têa pơtroh rơkong rơkâu kơ-êng dêi mâu kăn xiâm Việt Nam pơtroh kơ Ngế pro xiâm hnê ngăn kong têa Nhuk, tối Việt Nam đi đo ngăn Nhuk cho kong têa tơrŭm ƀă loi nhoăm  tung rơxông mơnhông tơƀrê nếo. Péa pâ môi tuăn mơnhông tơrŭm cheăng rơdêi tung mâu tơdroăng ki kal mê cho tê mơdró, ‘no liăn cheăng, khoa hok kŏng ngê̆, hnê hên mơngế ki pêi cheăng.

Pôa Nguyễn Chí Dũng, Phŏ Ngế pro xiâm hnê ngăn tơnêi têa hiăng hôp tơpui ƀă pôa Ishiba Shigeru, Ngế pro xiâm hnê ngăn kong têa

Pôa Ishiba Shigeru, Ngế pro xiâm hnê ngăn kong têa Nhuk khĕn kơdeăn hnoăng veăng ‘no dêi mơngế pêi cheăng Việt Nam a Nhuk, ngăn mê cho mâu ki kal ôh tá chiâng pơ’lêh, pakĭng mê tối púi vâ  tơdah xo hên ngế nếo pêi cheăng lo ing Việt Nam. Péa pâ tơhrâ tơrŭm tơbleăng mâu tơdroăng tơhrâ to mâu kăn ƀă po rơdâ tơrŭm cheăng tung mâu kơvâ cheăng  pơ’lêh nếo, hnê mơngế pêi cheăng tơƀrê.