Pôa Tô Lâm, Kăn xiâm pơkuâ hnê ngăn Đảng pêi cheăng ƀă khu râ kăn pơkuâ kong pơlê Kon Tum ƀă Quảng Ngãi
Thứ ba, 10:32, 03/06/2025 Tơplôu: A Sa Ly/VOV Tơplôu: A Sa Ly/VOV
VOV.Xơ Đăng - Kơxê lơ 2/6, a Kon Tum, pôa Tô Lâm, Kăn xiâm pơkuâ hnê ngăn Đảng pêi cheăng ƀă Khu pơkuâ hnê ngăn cheăng Đảng kong pơlê Kon Tum ƀă Khu hnê mơhno má môi Khu kăn pơkuâ hnê ngăn Đảng Quảng Ngãi mơnhên tơdroăng pêi pro Tơdroăng pơkâ Tơnêi têa, rah xo bro lế lĕm tro khu pêi cheăng tơnêi têa, mơnhông cheăng kâ - rêh ối pơlê pơla, tơniăn gâk kring tơnêi têa – gâk kring tơniăn ƀă tơdroăng gum rêh ối pơlê pơla.

Kăn xiâm pơkuâ hnê ngăn Đảng tối nhên tơmeăm ki ai hlâu tơdjêp pơla péa kong pơlê ƀă tối rơdêi pơkâ tơrŭm chiâng môi Kon Tum ƀă Quảng Ngãi cho troăng prôk ton xŏn vâ mơjiâng tíu pêi cheăng tơnêi têa ki kân, ai tơmeăm mơnhông hên, chiâng tơdroăng tơtêk kơpong peăng tơdế Tơnêi têa – Tây Nguyên.

Kăn xiâm pơkuâ hnê ngăn Đảng pơkâ mơjiâng troăng tơmiât pêi la ngiâ mơnhông mơdêk nếo, tơdjêp kơpong Đông - Tây, tơ’nôm pơkâ tơtro pơkâ pêi tơnêi têa, la ngiâ tơtêk krúa lĕm kong prâi, krá tơniăn ƀă troăng pêi hên tíu xiâm. Tơdrêng amê, Kăn xiâm pơkuâ hnê ngăn Đảng pơkâ thế hbrâ inhên Hneăng hôp Đảng ƀô̆ mâu râ, pêi pro tro pơkâ, ví pêi cheăng môi tiah kơmăi kơmok, tơniăn păng ‘nâng tơdroăng nếo klêi kơ’nâi tơmot chiâng môi.

 

Tơplôu: A Sa Ly/VOV

Viết bình luận

TIN CÙNG CHUYÊN MỤC

Video

Bi mni kơ Awa Hô
Đơs git oh, git bi
06/05/2025
Jreng Jrong
30/03/2024
Tanh bĕ dra hiam
22/03/2024