
A rôh pêi cheăng, pôa Tô Lâm, Kăn xiâm pơkuâ hnê ngăn cheăng tối nhên, rôh pêi cheăng ƀă Khu pơkuâ hnê ngăn Đảng 2 to kong pơlê Gia Lai ƀă Bình Định cho tơdroăng ki pơtó mâu tơdroăng hnê mơhno tơdrăng vâ po môi hneăng mơnhông nếo ăm tá péa to kong pơlê, malối cho tung pơla hbrâ vâ tơkŭm péa to kong pơlê Gia Lai ƀă Bình Định chiâng tíu pêi cheăng, cheăng kâ rơdêi, rơkê ƀă tơƀrê tâ.

Klêi kơ’nâi hnê mơhno nhên ki ai hlâu ki pơxúa dêi 2 to kong pơlê, kăn xiâm pơkuâ hnê ngăn cheăng Đảng púi vâ, mâu khu râ Đảng, khu kăn pơkuâ, khu pơkuâ tơdroăng kal kí ƀă khu kăn ƀô̆ péa to kong pơlê athế hlê tŭm ƀă mơnhông tâi mâu tơdroăng ki kal bô bối ƀă tŏng gum cheăng tung la ngiâ pơla Gia Lai ƀă Bình Định, ngăn mê cho ivá ki kal ăm tơdroăng pơkâ troăng ngăn mơnhông dêi kong pơlê klêi kơ’nâi ‘mot tơkŭm.
Viết bình luận