Teăng mâ Hô̆i đong, pôa Lương Cường, Kăn xiâm hnê ngăn tơnêi têa hnê mơhno Hô̆i đong Gâk kring tơnêi têa ƀă Gâk kring tơniăn tơkŭm po rơdâ pêi pro châ tơƀrê Pơkâ Tơnêi têa 8 hneăng má XIII ‘na Troăng pêi cheăng ton xŏn gâk kring Tơnêi têa tung rơxông nếo, tơxâng pơkâ gâk kring krá tơniăn hnoăng pơkuâ tơniăn krê, hnoăng pơkuâ, môi tuăn, tơniăn tâi tâng tơnêi tơníu dêi Tơnêi têa, tơniăn gâk kring tơnêi têa, gâk kring tơniăn pơlê pơla, mơdêk mot tơrŭm lâp plâi tơnêi tŭm tâi tâng, trâu hơngế, châ tơƀrê.

Pôa Lương Cường, Kăn xiâm hnê ngăn tơnêi têa tối rơdêi, tung la ngiâ, kal pơtối pêi tiô, séa ngăn, hbrâ ‘nâi nhên, hriăn plĕng, mơnhên, séa mơnhên, tối hdrối tơdroăng lâp plâi tơnêi, kơpong, tung tơnêi têa, ki má lối cho mâu tơdroăng ki tơpui hên, djâ troăng pêi cheăng ton xŏn tơdjâk troh gâk kring tơnêi têa, gâk kring tơniăn, tơpui kâ ƀă kong têa ê dêi Việt Nam vâ teăm tơdrêng tơbleăng ƀă Đảng, Tơnêi têa mâu troăng pơkâ pêi, troăng tơleăng, ôh tá lôi ôh tá chiâng pêi pro ki klâi, kơdrâ tung rêm tơdroăng.