Kơxo hâi lơ 30/5, a pơlê kong kơdrâm Buôn Ma Thuôt, Khu Hnê mơhno hbrâ, tơplâ, mơdât ki ‘mêi dêi hât kong pơlê Dak Lak tơkŭm po roh hôp ƀă mơhnhôk rak vế, pêi pro tiô Hâi Lâp plâi tơnêi ôh tá ai hât lơ 31/5. Măng tĭng ki Lâp tơnêi têa pin ôh tá ai hât sap ing hâi lơ 25 troh lơ 31/5. Rêm hơnăm, lâp plâi tơnêi ai lối 8 rơtuh ngế hlâ xua ôu hât, tung mê, ai 1 rơtuh 300 ngế xua tro hrik ngôi hât khoh chiâng hlâ. Tâng vâ riân ‘na liăn ngân ki mơhrê xua ing hât ai lối 108 rơpâu rơtal liăn.

Kong pơlê Dak Lak hiăng thăm mơdêk tơdroăng hnê khĕn, tối pơtâng, mơdât tơdroăng ki ôu hât a mâu tíu pêi cheăng, tíu rêh kâ ối. Kơnôm tiah mê, 2 hơnăm hdrối mê hía nah, kơxô̆ vâi kơnốu lôi ôu hât hiăng chía hên, laga, kơxô̆ mơngế ki ôu hât điê̆n tưh pơtối tâk, malối, ƀă vâi rơxông nếo ing 15 troh 24 hơnăm. Kơ koan ngăn ‘na pơkeăng ƀă khăm pơlât hiăng tối pơtâng, tơdroăng ki ‘mêi dêi hât điê̆n tưh mê dó xêh ôh tá ‘mêi, xua ga xuân ai trếo nicotine ƀă hên trếo ‘mêi ki ê pro ŭm tung châ ăm kuăn mơngế.