Châ ai tơdroăng pơkâ thế dêi kăn xiâm hnê ngăn tơnêi têa, Phŏ kăn xiâm pơkuâ Ƀơrô cheăng kăn xiâm hnê ngăn tơnêi têa Phạm Thanh Hà hiăng tơbleăng pơkâ dêi kăn xiâm hnê ngăn tơnêi têa pôk phŏ kăn xiâm pơkuâ Ƀơrô cheăng Kăn xiâm hnê ngăn tơnêi têa ƀă mâu pôa Cấn Đình Tài ƀă Nguyễn Hoàng Anh, prế ngế gum cheăng dêi pôa Lương Cường, Kăn xiâm hnê ngăn tơnêi têa; ƀă pôa Nguyễn Dũng Tiến, ngế gum cheăng dêi phŏ kăn xiâm hnê ngăn tơnêi têa.

Diâp pơkâ ƀă rơkâu mâu vâi pôa châ pôk, pôa Lương Cường, Kăn xiâm hnê ngăn tơnêi têa tối nhên, tung hnoăng cheăng nếo, pó cho mâu ngế ki châ pôk kal pơtối hriâm pât tơná ivá khên tơnôu kal kí, rak vế krá túa lĕm tro, túa kăch măng; mơdêk ivá, túa tơmiât pêi ƀă tơdroăng ki rơkê plĕng, mơdêk hiâm mơno pôu râng, hbrâ rơnáu, pêi rơkê, pơhlêh nếo tung hnoăng cheăng, mơdêk ivá pơkuâ ngăn, ivá cheăng tối tơbleăng, tí tăng ‘nâi plĕng klăng, tro, teăm, veăng gum mơjiâng Ƀơrô cheăng Kăn xiâm hnê ngăn tơnêi têa kong pơlê, iâ tơkŭm rơdêi, rơkê, xêt tơƀrê.