Vâ kuăn pơlê, malối cho mâu rơpŏng kuăn ngo veăng ‘mâi pro kơdrum pêt loăng plâi, mâu kăn, khu râ mâu kong pơlê dêi Kon Tum pêi tro tơdroăng kơjo kum hdrê pêt, hnê kuăn pơlê ‘na kih thuât ƀă pêi tơdjuôm mâu tơdroăng pơkâ tơnêi têa vâ gum kuăn pơlê. Klêi pêi pro, riân troh khế 4 kố nah, lâp tung kong pơlê Kon Tum hiăng ‘mâi pro lối 3.480 ha kơdrum loăng vâ pêt sầu riêng, bơr, plâi nong, mắc ca, kơphế, mâu kơchâi hơpê, pôm, plâi kâ... tơtro ƀă tơnêi hyôh kong prâi a tơrêm cheăm tơring.

Ki khât ăm hlo tơdroăng pro kơdrum dêi mâu rơpŏng kuăn pơlê hiăng gum vâ chê 19.500 rơpŏng kuăn pơlê dêi kong pơlê Kon Tum, tung mê, ai lối 16.500 rơpŏng kuăn ngo hiăng mơnhông tơdroăng rêh ối rêm hâi ƀă tơ’nôm rôh châ mơnhông cheăng kâ dêi rơpŏng hngêi.