Nôkố Sinuâ hiăng ăm vâ chê 1.400 mah kơpong pêt ƀă 188 mah tíu ki tâ kơxu a Việt Nam. Tơdế apoăng hơnăm kô, tê ăm kong têa ê trâm xơpá  xua tung plâi ối hên trếo Vàng Ô ƀă trếo Cadimi, hên ngế tối thế mơjiâng khu ki séa mơnhên ngăn plâi sầu riêng a mâu kơpong ki xiâm. Pôa Trần Minh Châu, Kăn teăng mâ Kŏng ti pêi cheăng tiô rơnó ki Mơnhên ngăn vâ ‘nâi hôm ai hên trếo Vinacontrol, ăm ‘nâi kŏng ti hiăng chêh pơkâ ăm tơdroăng mê.

A hneăng hôp, hên ngế tối tiah kố kal thế séa ngăn nhên krâu tơdroăng xúa phon rơvât, pơkeăng xôk kơdê nhâ ôa hdrong a loăng plâi ƀă rĕng mơjiâng ƀơrô ki mơnhên ngăn plâi a mâu kơpong pêt ki xiâm. Mâu kăn xuân pơkâ thế pê klêi pơkâ ‘na mah kơpong pêt, tíu tâ tung kơtung vâ tê; mơdêk tăng ‘nâi plĕng, pơcháu kŏng ngê̆, pơ’lêh kơxô̆ tung pêi pêt, uâ pơliê, rak ngăn vâ mơdêk ki lĕm, ai pơxúa ƀă mâu ngế ki tơbriêt tê dêi tơmeăm.