Tơdroăng ki kal mơnhên môi troăng nếo tung pơla Việt Nam ƀă kong têa Rusi dế po rơdâ tơrŭm tâi tâng tung hên kơvâ cheăng, ki rơhêng vâ tối cho cheăng kâ, tê mơdró, khôi túa lĕm ƀă trâm mâ tơpui tơno pơla kuăn pơlê. Tơdroăng vêh tơdjêp troăng tơƀai kơneăng tơdrăng pơla Hà Nội ƀă Moscow ôh tá xê kum mơdêk tơpui tơno tê mơdró ƀă mơnhông ôm hyô, mê ối mơhno tơkêa ton xŏn tung tơdroăng thăm tơdjêp pơla péa tơnêi têa.

Tiô tối hdrối, tung hôp tơpui tơno Khu tê mơdró Việt Nam – kong têa Rusi tơkŭm po a Moscow a hâi lơ 11/5, Vietnam Airlines kô kĭ tơkêa Mơ-éa chô vế tơrŭm cheăng ƀă pŭn khu tơrŭm cheăng ôm hyô má môi dêi Rusi. Nôkố, Vietnam Airlines xúa troăng tơƀai kơneăng Hà Nội – Moscow ƀă cho 2 roh kơneăng môi măng tĭng a hâi péa ƀă hâi pŭn.