Mâu kơxêng kiâ châ Đô̆i K52 (Khu pơkuâ ngăn lêng kong pơlê Gia Lai) tăng hlo, tơkŭm tung rơnó tôu 2024 – 2025 a 3 to kong pơlê peăng mâ hâi lo ‘na kơnhŏng Kul. Riân troh nôkố, Đô̆i K52 hiăng tăng tơkŭm ƀă djâ vêh ngi pơlê xiâm tâi tâng 1.512 to kơxêng kiâ mố đô̆i, mơhno ivá mơ-eăm ôh tá pơtê tung tơdroăng ki mơnê ngế ki hiăng hlâ xua tơnêi têa.

Rôh leh po tiô tơdroăng ki hmái hơtĭng ƀă ƀriê tung hiâm mơno, ai tơdroăng veăng dêi kăn pơkuâ kong pơlê Gia Lai, kong pơlê Preah Vihear, teăng mâ khu lêng kring vế pơtáu Kul, mâu khu râ, kơvâ cheăng, khu pú hên, khu lêng gâk kring kong pơlê, rơtế ƀă mâu kuăn pơlê. Mâu kăn hiăng têk nhăng, pleăng reăng mơhno hiâm mơno mơnê a ngiâ mâu mố đô̆i ki hlâ dêi mâu kuăn ki kơhnâ rơkê dêi Tơnêi têa xua hơniâp lĕm ƀă tơdroăng tơrŭm tơroâ pơla hdroâng mơngế Việt Nam – Kul.