Mơgêi rôh hôp, pôa Nguyễn Chí Dũng, Phŏ Ngế pro xiâm hnê ngăn tơnêi têa pơkâ thế Khu xiâm ngăn Khoa hok ƀă Kong ngê̆ pêi kơtăng mâu troăng pơkâ, klâ xoăng kơtăng vâ tiô tơdroăng kong pơlê pơkâ, kong pơlê pêi, kong pơlê pôu râng. Ƀă hnoăng cheăng dêi râ tơring, athế pêi pro nhên hnoăng cheăng ki lâi pơtroh ăm kong pơlê, hnoăng cheăng ki lâi pơtroh ăm râ cheăm.

Hriăn ngăn tơmâng xo mâu rơkong tơpui tối dêi mâu Khu xiâm kơvâ cheăng ki ai tơdroăng tơvâ tơvân athế êng tơdrêng hlối, pêi rĕng, pêi tro. Ƀă 154 hnoăng cheăng ôh tá xoăng râ, kal athế vêh séa ngăn, hnoăng cheăng ki lâi chiâng klâ xoăng râ, rak vế tơniăn tro tơdroăng, chêh pro klêi mơ-éa pơkâ hdrối hâi lơ 30/5/2025 vâ Khu xiâm mơjiâng luât pơkâ séa ngăn ƀă pơkâ hdrối hâi lơ 25/6/2025, châ pêi cheăng sap ing hâi lơ 1/7/2025.