Tung khế Droh rơtăm hơnăm kố, droh rơtăm kong pơlê Dak Lak hiăng mơjiâng vâ chê 300 ngế pleăng hnoăng cheăng, pro 268 tơmeăm khoăng, peăng tơdroăng droh rơtăm; tơbleăng hrĭng tơdroăng cheăng pleăng tơná dêi mâu ki ngế veăng mơjiâng thôn pơlê nếo ƀă kơphô̆ rơkê plĕng, kring vế hyôh kong prâi, hbrâ ví ƀă hyôh kong prâi hơ’lêh.

Rơxông nếo Dak Lak hiăng pro 29km  troăng prôk “tâp trăng krâ pul on séa bâ eăng troăng tơkăng kong”, “krâ pul on bâ eăng troăng pơlê”, mơjiâng 218 khu lăm pleăng hnoăng hnê pơxiâm hriâm cheăng kơxô̆ ƀă lối 2.600 ngế đoân viên droh rơtăm veăng, tơkŭm hnê tối, hriâm tâp, hnê kuăn pơlê xúa tơdroăng chêh ‘măn tung kơmăi... Tíu ki vâ tối tung mâu tơdroăng cheăng pêi dêi hơnăm ối nếo Dak Lak cho túa “ xut tah hngêi pơtân, hngêi xi kơchoh”,  mơhnhôk tăng lối 1,3 rơtal liăn ƀă vâ chê 1.400 hâi pêi cheăng vâ mơjiâng pro nếo 32 toăng hngêi kum mâu droh rơtăm ƀă vâi hdrêng kơtiê xơpá.