Kơxê lơ 17/4, Khu hnê mơhno têa tah lôi hngêi pơtân, hngêi xi kơchoh kong pơlê Dak Lak tơkŭm po roh hôp mơnhên ‘na tơdroăng têa tah lôi hngêi pơtân, hngêi xi kơchoh tung kong pơlê. Troh nôkố, lâp kong pơlê nếo mơjiâng ƀă rơnêu châ 2.400 toăng hngêi, bu châ lối 40% tâng pơchông ƀă pơkâ mơ’no.

Xiâm kối hrá pêi pro, châ mơnhên ki xiâm xua tơdroăng tơnêi ối ăm mâu rơpŏng ki châ tŏng gum. Tiô pơkâ pêi, 7.312 toăng hngêi kô châ tŏng gum, mê cho ai 5.891 toăng hngêi nếo ƀă 1.421 toăng hngêi rơnêu, klâ chiâng 4 khu: ngế ai hnoăng ƀă kăch măng; rơpŏng kơtiê, vâ chê kơtiê tiô tơdroăng pơkâ xiâm tơnêi têa; ƀă mâu rơpŏng ối tung tơdroăng mơhnhôk pêi pro dêi kong pơlê.