Tung khế tŏng gum mơngế pá puât hơnăm 2025 châ tơkŭm po sap hâi lơ 1/3 ƀă mơgêi a hâi lơ 31/5, Khu lo tŏng veăng kong pơlê Kon Tum châ pơkâ mơhnhôk ki vâ iâ 4 rơtal liăn mê cho liăn mâ, tơmeăm khoăng ƀă tơbleăng mâu tơkêa, môi tuăn tŏng gum mâu ngế ai tơdroăng pá puât.

Pakĭng mê, veăng tơlo tŏng gum mơngế pá puât, Khế tŏng gum mơngế pá puât hơnăm 2025, mâu khu râ Khu lo tŏng veăng kong pơlê Kon Tum xuân kô tơkŭm po hên tơdroăng tŏng gum mơngế pá puât tơmiât troh kơpong kuăn pơlê hdroâng kuăn ngo, kơpong đông kăch măng, kơpong tơkăng kong, lăm pôu diâp kơxuô tơmeăm ăm mâu rơpŏng ai hnoăng ƀă kăch măng, khăm pơlât xing xoăng pơkeăng tê kơtê ăm mơngế kơtiê, mơjiâng hngêi Khu lo tŏng veăng.