Klêi kơ’nâi 9 hơnăm pêi pro Tơdroăng tơkêa bro 939 ‘’Tŏng gum vâi kơdrâi pơxiâm tăng cheăng pêi’’, mâu khu râ Khu pơkuâ vâi kơdrâi lâp kong pơlê hiăng tơrŭm tơkŭm po 168 lâm hnê mơhno ‘na kih thuât tê mơdró, pơkuâ, pro pơkâ pêi ƀă châ achê kơxô̆ liăn mung ăm rơpâu ngế. Hên roh hôp tơpui tơno, po tơpui châ tơkŭm po vâ mơjiâng roh tơ’lêi hlâu ăm nâo trâm mâ, tối ăm dêi pó túa ki rơkê tơtro.

Khu kố xuân mơjiâng 5 Kâu lăk ƀô̆ khu tê mơdró cho vâi kơdrâi, tŏng gum mơjiâng 4 khu tê mơdró ƀă vâ chê 90 khu tơrŭm cheăng, tôh tơrŭm cheăng xua vâi kơdrâi pro kăn pơkuâ; tŏng gum lối 4.700 vâi kơdrâi mung liăn ƀă djâ tơmeăm to a tíu tê mơdró điê̆n tưh. Hneăng hôp xuân pơkâ troăng pêi la ngiâ tŏng gum vâi kơdrâi pơxiâm tăng cheăng pêi ƀă tơdroăng pêi pro ‘’Rêm cheăm môi tơmeăm’’, tơdrêng amê pơkâ thế troăng hơlâ ƀă troăng pêi kêi đeăng tơdroăng tơkêa bro hneăng pơtối.