Pêi pro tiô tơdroăng pơkâ têa tah hngêi pơtân, hngêi xi kơchoh ăm rơpŏng kuăn pơlê. Troh nôkố kong pơlê Kon Tum hiăng mơjiâng nếo, rơnêu châ vâ chê 2.400 toăng hngêi châ lối 86% tâng pơchông ƀă tâi tâng hngêi pơtân, hngêi xi kơchoh kal mơjiâng nếo, rơnêu.

Tung vâ chê 2.400 toăng hngêi châ kong pơlê Kon Tum pêi pro mơjiâng pro nếo, rơnêu hiăng ai vâ chê 1.250 toăng hngêi kêi đeăng pơcháu ăm kuăn pơlê vâ ối. Tơdroăng pêi kêi đeăng 155 toăng hngêi, tung mê ai 102 toăng hngêi nếo ƀă rơnêu 53 toăng hngêi. Tơring Kon Rẫy cho tơring apoăng dêi kong pơlê Kon Tum ‘na kêi đeăng têa tah hngêi pơtân, hngêi xi kơchoh ăm kuăn pơlê.

Vâ kêi đeăng pơkâ têa tah hngêi pơtân, hngêi xi kơchoh ăm tâi tâng 2.752 rơpŏng kuăn pơlê tung kong pơlê a mơ’nui khế 6 la ngiâ, nôkố kong pơlê Kon Tum dế tơkŭm tơleăng tơdroăng pá puât ‘na kơxô̆ liăn, tung mê ai tơkêa tŏng gum dêi mâu khu tơrŭm cheăng, khu tê mơdró.