Teăng mâ Khu xiâm Đảng, pôa Tô Lâm, Kăn xiâm pơkuâ hnê ngăn  cheăng Đảng tối ‘na mâu troăng hơlâ vâ pêi châ tiô pơkâ ki tro má môi  “Tơmiăn pơlê pơla, mơnhông cheăng kâ, mơdêk tơdroăng rêh ối dêi kuăn pơlê”, troh hơnăm 2030, tơnêi têa pin chiâng tơnêi têa dế mơnhông, pêi cheăng ƀă kơmăi kơmok túa ki nếo, troh hơnăm 2045 chiâng tơnêi têa mơnhông tơƀrê, pêi lo liăn ngân hên.

Kăn xiâm pơkuâ hnê ngăn cheăng Đảng tối, Đảng ƀă tơnêi têa tơkŭm mâu troăng hơlâ pơtối rak ki  ki hơniâp lĕm, tơniăn vâ mơnhông tơnêi têa. Đảng pin ôh tá ai pơxúa klâi ki ê pakĭng pơxúa ăm Kuăn pơlê; Kuăn pơlê cho xiâm, tung tŭm tơdroăng  troăng hơlâ dêi Đảng; tŭm tơdroăng mơ-eăm  dêi Đảng, Tơnêi têa, tá tơdroăng kal kí bú ai pơxúa drêng kuăn pơlê ai tơdroăng rêh ối phâi tơtô, hơniâp lĕm.  

Xua ti mê, Đảng, Tơnêi têa kô tơkŭm mâu troăng hơlâ tơmâng tŏng gum mơnhông tơdroăng rêh ối dêi Kuăn pơlê, malối mâu kuăn ngo kơpong hơngế hơngo, tíu tơkăng kong, chuăn rơlố, kơpong xiâm tơplâ ton nah, mâu kơpong ai kuăn ngo tiô khôp. Pêi tro tơdroăng pơkâ tơniăn rêh ối pơlê pơla, luât pơkâ ƀă mơngế ai hnoăng; pêi pro tiô luât pơkâ oh tá êa nâp liăn ăm rêm râ hriâm phổh thong; mơ-eăm pêi klêi tơdroăng xut tah hngêi pơtân, hngêi xi kơchoh tung lâp tơnêi têa; tơmâng mơnhông khăm pơlât, rak ngăn ivá kuăn pơlê, troh tơdroăng oh tá êa nâp liăn pơlât châi tamo ăm tâi tâng rêm ngế kuăn pơlê, vâ rêm ngế kuăn pơlê Việt Nam ai tơdroăng rêh ối phâi tơtô, hơniâp lĕm.