Tiô tơdroăng Hneăng hôp, Kuô̆k hô̆i tiô tối hdrối kô mơgêi hâi lơ 30/6. Kố cho hneăng hôp ton má môi sap ing apoăng Hneăng 15 troh nôkố, pơkâ hên tơdroăng ki kal, ai tơdroăng ron ton nah. A hneăng hôp má 9, Kuô̆k hô̆i hneăng má 15, Kuô̆k hô̆i kô séa ngăn, pơkâ ‘mâi rơnêu, tơ’nôm mâu troăng dêi Luât hơnăm 2013; séa ngăn, tơbleăng 34 luât ƀă 11 pơkâ. Kuô̆k hô̆i xuân tơpui ƀă 06 tơdroăng tơkêa bro luât.

Pêi pro tơdroăng séa ngăn, pơkâ mâu tơdroăng ki kal, Kuô̆k hô̆i xuân séa ngăn, tơbleăng Tơdroăng pơkâ dêi Kuô̆k hô̆i ‘na tơmot chiâng môi tíu pêi cheăng tơnêi têa râ kong pơlê; pơkâ tơdroăng pro ‘nâng ‘nâi hnoăng cheăng Kuô̆k hô̆i hneăng má XV ƀă Hô̆i đong kuăn pơlê mâu râ hneăng hơnăm 2021 – 2026; Pơkâ hâi tâ phĭu rah xo kăn teăng mâ Kuô̆k hô̆i hneăng má 16 ƀă kăn teăng mâ Hô̆i đong kuăn pơlê mâu râ hneăng hơnăm 2026 – 2031.