A roh tơdah, péa pâ tối rơdêi tơdroăng tơrŭm nhŏng o sap ing ton nah, loi tơngah dêi pó, hlê plĕng dêi pó cho tơdroăng ki kal vâ péa pâ pơtối pêi pro châ tơƀrê mâu tơmeăm ki ai hlâu, ki rơdêi dêi rêm tơnêi têa ƀă mơdêk tơrŭm cheăng trâu hơngế vâ djâ tơrŭm cheăng to a râ a’ngêi tâ nếo, djâ pơxúa tơdjuôm ƀă veăng kum ăm tơdroăng mơnhông, tơniăn a kơpong.

Kăn xiâm pơkuâ hnê ngăn Đảng mơnhên ƀă mâu tơdroăng rơdêi dêi tơná, Việt Nam pói vâ rơtế tơrŭm ƀă Sri Lanka tung mơnhông cheăng kâ rêh ối pơlê pơla. Péa pâ xuân môi tuăn po rơdâ tê mê nếo tơrŭm pêi chiâk deăng, hnê hriâm, khôi túa lĕm tro, trâm mâ pơla kuăn pơlê, ôm hyô, tơdroăng loi tĭng - tiô khôp, mơdêk tơdroăng rĕng po troăng kơneăng tơdrăng tŏng gum tơrŭm cheăng, tơdjêp péa tơnêi têa.