Roh leh 30/4 ƀă lơ 1/5 kố a Đà Lạt – Lâm Đồng tơkŭm po hên tơdroăng mơhno khôi túa lĕm, ngê̆ thuât ki má môi, mơtiah roh mơgêi Dalat Best Dance Crew 2025, Tơdroăng ngê̆ thuât ‘’Tơnêi têa tơrŭm chiâng môi’’ leh tơbâ 50 hơnăm tơleăng lĕm peăng Hdroh tơnêi têa, tơnêi têa tơrŭm chiâng môi tuăn, hên roh mơđah tơbleăng rơhdruê xuăng dêi mâu ca sih ki ô eăng... cho xiâm kối veăng kum mơhnhôk kơdrâm tơmối troh lăm ngăn, pơtê.

Tiô riân dêi kơvâ ôm hyô kong pơlê Lâm Đồng, Đà Lạt – Lâm Đồng tơdah dâng 240 rơpâu roh tơmối troh lăm ngăn, pơtê tung roh pơtê leh, tâk lối 14% tâng pơchông ƀă roh kố hơnăm 2024. Tung mê, tơmối lâp plâi tơnêi châ 14 rơpâu roh ngế, tâk 75%, ƀă ai lối 160 rơpâu roh tơmối ôi pơtê a kơmăng, tâk 23% tâng pơchông ƀă roh kố hơnăm nah.