Pơxiâm sap ing hơnăm 2006 a Kŏng ti 74 ƀă 30 rơpŏng, troh nôkố túa pêi kố hiăng po rơdâ tung lâp Ƀinh đoàn 15 ƀă vâ chê 4.300 rơpŏng rêm hơnăm, pơlê drô tơkăng kong peăng Kơnhŏng Tây Nguyên. 20 hơnăm tơbleăng, túa pêi kố hiăng gum troăng pơkâ dêi Đảng tơdjâk troh kuăn pơlê ing mâu tơdroăng pêi pro pơxúa môi tiah “drêng phâi kơklêa pơrá tŏng gum dêi rơpó”, “hơniâp ro xuân ai dêi rơpó”, túa pêi ki xiâm mơdât tơdroăng ki tí tăng pro tơklâ khu tơrŭm hdroâng kuăn ngo.

Ing mê, ‘mâi mơnhông tơdroăng cheăng gâk kring pơlê pơla cheăm bêng tâi tâng kuăn pơlê ƀă gâk kring kuăn pơlê a tíu tơkăng kong. Ƀă túa pêi kố, hên rơpŏng hiăng pêi lo liăn ing 200 – 300 rơtuh tung môi hơnăm, pro kơdroh pơla kro – kơtiê, xut tah lôi mâu khôi túa tơlá ki ôh tá tro, hiăng kơdroh khât tơdroăng ki pơtê hriâm, tơkâ luâ tơkăng kong lăm ngi kong têa ê ôh tá tro luât.

A rôh po tơdroăng, mâu kăn rơtế veăng tơpui, tối ki rơkê plĕng ‘na pơkuâ tro khât dei khu râ Đảng, tơrŭm krá tơniăn ƀă kăn pơkuâ, mơdêk hnoăng cheăng dêi ngế krâ pơlê, ngế pơkuâ thôn, ngế ki châ kuăn pơlê loi, tơmiât pêi rơkê tơbleăng túa pêi “Tơrŭm rơpŏng” veăng gum mơjiâng kơpong tơkăng kong tơniăn, mơnhông tŭm têk mâu tơdroăng.