Pơkâ kơxô̆ 68 ai chêh troh hơnăm 2030 ƀă mâ ngăn mâu tơdroăng cheăng vâ pêi troh hơnăm 2045 vâ mơnhông cheăng kâ krê dêi kuăn pơlê xông tơƀrê rĕng, rơdêi, krá kâk; hbrâ rơnáu veăng pêi pro mâu tơmeăm, pêi lo tơmeăm châ tê tung lâp plâi tơnêi; ai ivá châ tơbriât tê tung kơpong ƀă tung lâp plâi tơnêi. Mơ-eăm troh hơnăm 2015 ki iâ má môi ai 3 rơtuh khu mơdró pêi cheăng, veăng ‘no hnoăng tung lối 60% GDP.

Tơbleăng a rôh hôp, pôa Phạm Minh Chính, Ngế pro xiâm hnê ngăn tơnêi têa tối 8 khu tơdroăng cheăng, troăng hơlâ pêi tiô pơ’lêh nếo, tơƀrê, ‘mâi mơnhông rơdêi. Tung mê, tối nhên pơ’lêh nếo tuăn tơmiêt, vâ môi tuăn hlê plĕng ƀă pêi pro, tơbâ ki púi vâ dêi hdroâng mơngế, pro xiâm mơnhông cheăng kâ krê dêi kuăn pơlê. Ngế pro xiâm hnê ngăn tơnêi têa tối kô cho pơkâ ki ai pơxúa kal khât, kal thế môi tuăn dêi tâi tâng mâu ngế cheăng kal kí, khu mơdró, ƀă Kuăn pơlê ’na hnoăng cheăng pêi, tơdroăng cheăng pêi dêi khu mơdró  tung tơdroăng cheăng kâ.