Kơpong tơbâ châ mơjiâng tung tơnêi tíu dâng 3,6 ha a kơpong plông kân Hngêi chuô Hội Khánh, cho kơpong phuâng lĕm, tơtro ƀă tơdroăng ki pro hngêi Chuô, mơjiâng môi tíu mơhno khôi túa lĕm, tơdroăng roh ton nah ƀă tơdroăng loi tĭng. Tơdroăng tơkêa bro ai tâi tâng kơlo liăn mơ’no cheăng lối 103,8 rơtal liăn, tá mâu tơmeăm ki xiâm, mê cho: Hngêi koh pleăng ƀă Hngêi leh Pôa Nguyễn Sinh Sắc, châ pro tiô troăng tiô khôi Nam Bộ tơdjêp tiô khôi vâi krâ nah Việt Nam, mơjiâng tíu kân lĕm krip, achê ƀă djâ ki kơnâ tơdroăng roh ton nah – khôi túa lĕm tro.

Pakĭng mê, cho tíu mơđah tơbleăng kô vêh mơhno tơdroăng rêh ối ƀă tơdroăng pêi cheăng dêi Pôa Nguyễn Sinh Sắc. Plông kân, châ pro tiô um hơkâ hlái, gum ăm tơdroăng hôp pơlê pơla ƀă hnê hriâm tiô khôi vâi krâ nah.