Tung 5 hâi pơtê leh, tơring Kon Plông, kong pơlê Kon Tum, tíu ki ai Kơpong ôm hyô kong kế nhâ loăng tơnêi têa Mang Deang hiăng tơdah 55.000 ngế tơmối ôm hyô, lối 10.000 ngế rêm hâi ƀă ki hên cho tơmối ôm hyô tung tơnêi têa.

Tâi tâng kơxô̆ liăn châ xo ing ôm hyô tung lâp tơring tung rôh pơtê leh châ lối 19 rơtal, tung mê tá tơdroăng ki tơmối ối pơtê, kâ kế kâ, lăm hyô ngăn tíu ôm hyô ƀă hên ki ê. Pôa Đặng Đình Toán, ngế xiâm ngăn ƀơrô Túa lĕm tro, Khoa hok ƀă Thông tin tơring Kon Plông ăm ‘nâi, tơdroăng tơniăn lĕm, hmâ achê ƀă hên tơdroăng pêi pro hơniâp ro hiăng gum tối rơdêi tíu ối rế hía rế mơnhông dêi Mang Deang a lơgât ôm hyô Tây Nguyên ƀă lâp tơnêi têa.